主页 > A嘉生活 >Hi你唔好再细啲?细蓉大比拼 >

Hi你唔好再细啲?细蓉大比拼

2020-06-07

Hi你唔好再细啲?细蓉大比拼

梁国雄议员不满图太细,港男不满女友上围细,港猪不满新楼愈劏愈细,「细」喺 香港仲惨过原罪,尤其做饮食,样样都要做到好食夹大份,唯独是「细蓉」好似攞正牌,麵底两啖见底,四粒馄饨真係可以一口啪晒。但事实上係细蓉几细碗都唔惊俾人问候,点解人类咁厚此薄彼?

细蓉,学术啲又可以叫馄饨麵,据闻有人会分中蓉同大蓉,馄饨数闰同麵饼都有规定。不过依家已经好少人咁分,反正如果你想食多啲,麵家会建议你叫多碗。

今期大比拼主角分别搵咗池记、一粥麵同麦奀云吞麵世家。可能你会话我楼下嗰间 乜记仲正啦!为保持队形,我哋只会选一啲分店较多嘅店舖去做比较,至少大家 睇完篇文,想帮衬或挑战都易啲,係咪咁话?

计分方法我哋会继续採用比较制,一星化表三间之中最差,三星代表三间之中最好。 如果打成平手,就三间都畀二星,或者一间一星、两间三星。所以一星并不一定代表好差,只係三间之中最差,反之亦然。

Hi你唔好再细啲?细蓉大比拼

池记
池记係行较高档路线嘅粥麵连锁店,价钱偏贵、食品重质、份量唔多、味道偏淡、卖相唔错,摆明面向一众自命有品味又讲求健康嘅朋友。$36碗馄饨麵,虽则个碗偏细,但如果同出面其他大部份麵店比较,份量冇少到,只係个碗影响咗观感。馄饨size少少 偏细,不过一碗有五粒,整体计落应该都够女士或食量偏少嘅男士医肚。

份量同卖相合格,咁味道又点呢?馄饨麵麵底一般,唔算弹牙但又唔太软。笔者个人比较偏好呢种口感,因为太弹牙嗰啲会咬都牙骹都软埋,一碗都未食完已经冇力继续食。 最值得讚係个汤,清得嚟虾味好够,讚!至于馄饨,料足,虾爽口 ,整体计不过不失。

老老窦窦最初笔者预计池记只係陪跑,因为之前一直都觉得佢又贵又淡。不过今次佢嘅馄饨麵除咗价位输蚀,份量同味道又唔错喎,考虑到佢形象方面比较高级而收贵少少, 又好似合情合理啵!

外观 ★★★
汤 ★★★
麵 ★★
馄饨 ★★
份量 ★★★
售价 $36
性价比 ★★

Hi你唔好再细啲?细蓉大比拼
◆ 馄饨皮算薄,而且仲有五粒咁多Hi你唔好再细啲?细蓉大比拼
◆ 豆浆成廿蚊杯真係……不过下午茶时段叫馄饨麵有得送嘅Hi你唔好再细啲?细蓉大比拼
◆ 麵底不过不失,份量亦可接受

Hi你唔好再细啲?细蓉大比拼

—粥麵
三间之中只有一粥麵喺形式上做到快餐店咁,大家去收银姐姐度买飞,再去水吧拎嘢食。可能係行快餐店形式运作嘅关係,三间当中佢价钱最合理,食品选择亦最多。买飞时笔者话要碗馄饨麵,阿姐竟然问要大蓉定细蓉,原来下午茶时段会有较细份嘅细蓉选择,但售价只差$2。甶于另外两家都係细蓉,所以笔者决定点呢碗$25嘅细蓉同另外两间比较。

一粥麵细蓉唔算特别细份,但只得三粒馄饨,正常人实话:「Hi !早知畀多两蚊买碗 有五粒嘅大蓉啦!」感觉好似去到超市,见到一支可乐卖$12.8,两支就特价$13.5焗 人买两支。讲返碗麵,麵质同池记相若,汤淡少少,多咗阵好淡嘅硷水味,还好馄饨肉味够,虾亦算弹牙,单计味道,一粥麵嘅细蓉并唔输蚀。

以大蓉$27—碗有五粒馄饨计,其实同坊间大部份麵舖差不多价钱。但连埋饮品例如 加罐可口可乐连冰底,都只係加$4,晚饭时间更可以加$1就多碟菜或者小食同一杯饮 品(冻饮同特饮再加钱),计落平过唔少细麵店,抵到烂!

外观 ★
汤 ★★
麵 ★★
馄饨 ★★
份量 ★★
售价 $25
性价比 ★★★

Hi你唔好再细啲?细蓉大比拼
◆ 馄饨味道不错,但皮较厚Hi你唔好再细啲?细蓉大比拼
◆ 笔者拣咗细蓉,麵嘅份量唔会太细Hi你唔好再细啲?细蓉大比拼
◆ 相比其他两家,一粥麵有更多食品选择, 馄饨麵方面亦做到唔错嘅水準,算係咁啦

Hi你唔好再细啲?细蓉大比拼

麦奀记
「麦奀云吞麵世家」即是鼎鼎大名嘅「麦奀记」。麦奀记将细蓉发扬光大,唔少人愿意畀高出接近一倍嘅价钱去食佢一碗份量只係一般麵舖一半嘅馄饨麵。近年麦奀记开咗唔少分店,符合我哋比较嘅条件,所以今次都拣埋佢。

计整体份量,麦奀记明显细得多,虽然馄饨有四粒,但size亦比较细,$36—碗真心贵。 味道方面,全蛋麵口感同上两者差唔几,唔会令你觉得特别正。佢哋强调用大地鱼熬汤增加鲜味,可能係笔者比较肤浅啦(钢盔已戴),馄饨麵个汤不单止少咗应有嘅虾味,个汤又唔清,扣分。馄饨虽然明显比较细粒,但做到皮薄馅靓,啖啖有虾肉!不过,食麦奀记细蓉仅属朝圣,开餐前影张相放上Facebook呃Like係OK,计性价比实在太低,试过就算喇〜

外观 ★★
汤 ★
麵 ★★
馄饨 ★★
份量 ★
售价 $36
性价比 ★

Hi你唔好再细啲?细蓉大比拼
◆ 馄饨都特别细,但算得上皮薄馅靓Hi你唔好再细啲?细蓉大比拼
◆ 以细蓉闻名嘅麦奀馄饨麵份量坚细, 相信好多人都唔够食

总结
对于笔者呢种食惯平民嘢嘅穷拎,今次比拼当中有两间係攻打中高档路线客户,一开始已经有少少唔公平,因为一讲性价比,价高者几乎必输,所以笔者喺呢个环节亦讲吓三间馄饨麵边间味道最好。或者大家睇完上面嘅评价都估到,笔者认为池记係三间当中整体味道最好嘅一间,确实係意料之外。不过无论你拣边间,都要有定心理準备,单叫一碗份量未必够饱,最后可能要畀多少少钱叫多两碟嘢填肚。



上一篇: 下一篇:

话虽说PlayStation 4 Pro(下称「PS4 Pro」)除咗多咗4K之外就同原本嘅PS4冇

传咗几个月嘅「PS4.5」终于公布,正名为PlayStation 4 Pro。一如所料,新机支援4K

Sony 于其 CES 2015 记者会入面一开始以早前旗下 Sony Pictures 的话题作《

现购买 PlayStation 4 Pro God of War / Horizon Zero Da